自從一年前我的samsung手機被的士輾過斷魂後，我便成為一個IPhone用家。她已經成為我生活中的必需品。打電話、上網、msn、睇書、打機、計數、notepad、地圖、養埋talking tom都仲得，真真正正一機在手，世界通行!iphone集大成於身，理應袋裡少了書、簿、筆，重量大大減輕。但sorry，我每一天仍然好像擔泥一般返工，袋裡面有什麼?讓我數數︰銀包、鎖匙、粉盒、潤唇膏、tissue、電話、公司product price list兩份、client contact list一份、name card簿一本、筆一枝、fiction一本、note book 一本、還想加添一個calculator和schedule book。勁多野。如果我用iphone做晒所有野，其實應該少一半物品，但為何仍會這樣?這個是professional 和look like professional 的問題。
當你係一個professional 嘅時候，你嘅clients是會感受到的。但當你面對不太熟識，或是第一次接觸的clients 時，就要look like professional first。有次我見一個客，佢要我計個discount，ok，順理當然拎部iphone出來，開個calculator啦。呀!!!佢係到笑，一個無奈的笑容，佢嘅笑容好似想同我講，你唔係呀哇，用部iphone計，無calculator 嘅咩!?當然，大家都知道我仍然可以計到數，但係佢已經對我打左個discount。聽落好似好無聊，但係sorry，impression呢樣野真係好重要。就好似一個著踼拖短褲同一個full suit嘅人同你開會，你會覺得邊個信得過?呢個世界就係咁表面，起碼一開始都係咁表面。
所以呢，自此之後，我無諗過要放棄我袋入面任何一樣野，直至所有人認定我內裡都係一個professional 為止。萬事起頭難，要變就係要付出一點兒代價，不分身心，都要擔得起壓力。IPhone到呢一刻可能搶了很多其他行業嘅生意(至少我這個固執的人也開始接受e-book)，不過仍不能替代他們。除非有天我可以穿熱褲返工而唔俾人鬧。
