Supplement for Women 補身茶

上個星期剛剛打完風，今日又打。我絕對係強力支持發出八號風球嘅打工仔，係放多日假嘅角度來睇，有邊個唔想有windfall。呢兩個禮拜打來打去都係一號風球，只係一號風球唔緊要，你唔好吽風，吽風嘅日子真係好難受。吽風嘅天氣係特別悶熱，靜靜企係室外都係會標汗，情況慘不忍睹。好端端陽光普照，離開辦公室前還厚厚塗上防曬，而家個天已經黑晒，擔心緊我把25蚊嘅縮骨遮頂唔頂得順。


好多人都話女人嘅心情同天氣一樣，變得極快，係"極"。唔好講人，就睇我自己，我情緒變得異常之快，鬼叫天生係女人。從醫學角度來睇，女性荷爾蒙會影響情緒，而每逢月事期間，荷爾蒙的變快就會較大，女人係呢段時間都會心情較為低落，身邊嘅人都難免受罪，特別係情人。好似我媽媽講過，點解男朋友就要受你氣?咁又係呀，男女平等嘛。不過有時真係好難控制，點先可以幫到自己幫到人呢?

之前都有介紹過呢兩隻嘅飲品︰紅棗當歸茶和蟲草靈芝茶。佢地都係建脾補血的飲品。不過補身絕不能一朝一夕就成功。始終唔係藥物，而係健身飲品。蟲草靈芝茶我會每日用兩個茶包，好似平時咁飲，沖到淡咪開個包新。味道甘甘甜甜，容易入口。而紅棗當歸茶就會一日飲一包，通常我都會當下午茶飲。飲左一個月，之後月事來，心情都無咁大氣伏，更加無以前痛得咁厲害。每盒都係大概hk$30，又方便補身，試試無妨。小啲發脾氣，感情都好啲啦:)